ep-contamos-contigo-herriak-hiriak-portada

Gure programek osatzen dituzten ekintzek bizitzaz beteko dituzte kaleak, auzoak, herriak eta hiriak. Ekintza bideragarriak, beharrezkoak eta onuragarriak dira.

Azken hamarkadetan gizarte-aldaketa handiak gertatu badira ere, euskal herritarrok beti egon gara abangoardian: gizarte-eskubideen aldeko borrokan, ekologismoa bultzatzen, herrialde pobretuei elkartasuna adierazten... Hala bada, abangoardian jarraitu nahi dugu sortzen ari diren gai garrantzitsuak lantzen: klima aldaketa, desparekotasun soziala eta feminismoa, besteak beste. Eta bide hori erakunde hurbil, garden eta parte-hartzaileen laguntzarekin batera egin nahi dugu.

Programako ekintzen bidez sustatu nahi dugu erakundeak laguntza horren zerbitzupean egotea, hau da, erakundeak tresna izatea euskal jendarteak XXI. mendeko erronka sozialei aurre egin diezaien. Erronka horiek eskatzen dituzte politika publikoak berritzea, jardunbide onenetik ikastea eta autokonplazentzia atzean uztea.

Elkarrekin Podemos-en euskal herritarren nahiak, premiak eta helmugak partekatzen ditugu; hortaz, gure konpromisoa, gure gaitasunak eta gure indarrak baliatu nahi ditugu herrialde honek behar dituen irtenbideak egia bihurtzeko.

Neoliberalismoak prekarietatea inposatu digu gure bizitzen alderdi guztietan: enpleguan, etxebizitzetan, ingumenean, elkarbizitzan, bai eta tartean dauden gainerako arlo guztietan ere. Horretarako, logika hori irauli, eta ziurtatu egin behar dugu orainaldi eta etorkizun hobeak, humanoagoak, bizigarriagoak eta abegitsuagoak osa ditzakegula.

Gure kaleek, auzoek, herriek eta hiriek bizitzaz beteta egon behar dute, hau da, saltoki txikiz, kalitatezko zerbitzu publiko hurbilez, arrazoizko prezioa duten etxebizitzaz, zoriontsu bizitzeko aukeraz eta abarrez beteta. Gure aniztasunari uko egin gabe, auzotar guztiok elkarrekin biziko gara, eta, aukera berdinetan partekatuko ditugu aire eta ingurumen osasuntsu eta iraunkorrak; emakumeak aske eta seguru biziko dira; eta guztiok enplegu duinak eskuratu ahalko ditugu.

Horretarako, hainbat ekintza eta neurri zehaztu ditugu, sektore-eremu guztiak kontuan hartuta: parte-hartzea, gardentasuna eta gobernu ona; etxebizitza, enplegua eta hezkuntza; ingurumena eta jasangarritasuna; haurrak eta pertsona nagusiak zaintzea; etxebizitza eta hirigintza; kulturen arteko elkarbizitza; gazteak eta aniztasun funtzionala.

Programak zurekin, herritar guztiekin, eraman nahi ditugu aurrera.

kanpaina-taldeekin eta ahaldunekin bat egin

PARTE HARTU

Berriak